“78 million keşene ayırırğa beräwneñ dä köçe citmäyäçäk”

Törkiyä premyer-ministr urınbasarı häm xökümät süzçese Numan Kurtulmuş ildäge 78 million keşene ayırırğa,berdämlekne bozarğa beräwneñ dä köçe citmäyäçägen belderde.

Kurtulmuş Törkiyäneñ soñğı 13-14 yıl eçendä zur alğarışlarğa ireşüen citkerde.

Numan Kurtulmuş Törkiyäneñ dönyanıñ 10 zur iqtisadınnan berse ,dönyağa yünäleş birüçe illärdän berse buluı öçen tağın beraz ğayrätkä ixtıyacı buluın belderde.

”İqtisadi, säyäsi,mädäni häm sotsial cähättän tağın da alğa kitü zarur”dip äytüçe premyer-ministr urınbasarı Törkiyäneñ üz töbägendä häm töbäkkä, häm dönyağa tä'sir itäçäk köç buluın telämäwçelärneñ Törkiyäne tez çükterergä tırışularına basım yasadı.

Bu mäğnädä Törkiyäne üz problemaları belän mäşğul bulğan il xälenä kiterergä telawlären belderüçe Numan Kurtulmuş terronıñ töp säbäbeneñ dä bu buluın assızıqladı.