Ärdoğannan Xalıqara teatr köne qotlawı
Törkiyä ilbaşı: "Teatr - barlıq cämäğatçelek öçen tä'sirle belem çarası"
![Ärdoğannan Xalıqara teatr köne qotlawı](http://cdn.trt.net.tr/images/xlarge/rectangle/0584/905e/5a5c/56c0ca00eb843.jpg?time=1718937294)
Törkiyä ilbaşı Räcäp Tayyip Ärdoğan teatrnıñ barlıq cämäğatçelek öçen tä'sirle belem çarası buluın citkerde.
Yasağan yullamasında Xalıqara teatr könen qotlağan Ärdoğan: “Millätebezneñ mädäni üseşenä, belemenä bik möhim öleş kertüçe barlıq sänğat tarmaqları kebek ük teatrlarıbıznı da xuplawnı däwam itteräçäkbez,” – dide.
Törkiyä ilbaşınıñ yullaması tübändägeçä däwam itä: “Qimmätle teatr sänğatçelärebezneñ häm xezmätkärläreneñ Xalıqara teatr könen qotlıym.”
Eleke sänğat tarmaqlarınnan berse bulğan teatrnıñ keşelekneñ wöcdanına häm yörägenä qağıluçı köçle añlatu çarası buluın citkergän Ärdoğan ğasırlar buyı cämğiyätlärneñ mädäni üseşlärendä möhim rol uynawına da iğtibar cälep itte.
Törkiyä ilbaşı qurçaq häm külägä spektakle kebek törläre belän traditsionlaşqan törek teatrınıñ bügenge köndä dä uñışlı buluına işarät itte.
Bäyläneşle xäbärlär
![Terrorçılıqqa qarşı köräş alıp barıla](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718937294)
Terrorçılıqqa qarşı köräş alıp barıla
Törkiyädä terrorçılıqqa qarşı köräş täwäkkällek belän däwam itä