Partiyälärneñ urtaq deklaratsiyäse

”Ğadälät häm qalqınu”partiyäse,”Cömhüriyät xalıq” partiyäse häm “Millätçe xäräkät” patiyäseneñ Törkiyä Böyek Millät Mäclesendäge törkem başlıqları Änkarada yäkşämbe könne oyışrtırılğan terror höcüme uñayınnan urtaq deklaratsiya äzerläde.

“Ğadälät häm qalqınu” partiyäse törkem başlıq wäkile Naci Bostancı ,”Cömhüriyät xalıq” partiyäse törkem başlıq wäkile Lävänt Gök “häm “Millätçe xäräkät” partiyäse törkem başlıq wäkile Oktay Vural qul quyğan deklaratsiyada tübändäge yullar urın aldı:

“13 nçe martta Änkarada turıdan-turı xalqıbızğa yünälgän wäxşilärçä terror höcüme barıbıznı borçuğa saldı. Höcümdä ğomere özelgännär – bu ilneñ watandaşları.Alarnıñ ğailäläreneñ qayğı-xäsräte barlıq xalqıbıznıñ urtaq qayğısı. Terror höcümnäreneñ artında törek milläteneñ bergälegenä häm Törkiyä Cömhüriyäteneñ bötenlegenä yünälgän tarixi xirıslar, maqsatlar bar.

Terror qanlı ğamällar belän xalıqta küñel töşenkelege barlıqqa kiterep urtaq yaqtı kiläçäk toyğısın beterergä teli.

Butalçıq häm problemalı töbäkneñ ber öleşe bulğan ilebezdä tınıçlıq urnaştıru cähätennän härkemgä häm här oyışmağa zur cawaplılıq töşä ,waqiğalar qarşında salqın qanlı totış kürsätergä ,söyläşü stilenä iğtibarlı bulırğa çaqırabız”.