“Höcüm belän bäyle 11 keşe qulğa alındı”

Törkiyä premyer - ministrı Äxmät Dawıtoğlu Änkaradağı terror höcümeneñ çığanağı bilgele buluın belderep, xäzerge waqıtqa qadär 11 keşeneñ qulğa alınuın citkerde.

Premyer-ministr Dawıtoğlu xäläl cefete Sarä Dawıtoğlu,sälamätlek saqlaw ministrı Mäxmät Müäzzinoğlu ,”Ğadälät häm qalqınu” partiyäse ğomum başlıq urınbasarı Ömär Çälik belän höcümdä yaralanıp xastaxanädä yatuçılarnıñ xällären belde.

Dawıtoğlu biredä yasağan belderüendä “Kiñ qırlı eşçänleklär näticäsendä xain höcümneñ çığanağı açıq räweştä bilgele buldı. Xäzerge waqıtta DNK eşçänlekläre däwam itä. İñ qısqa waqıt eçendä höcümne başqaruçı häm anı moña yünältüçe köçlär açıqlanaçaq”dide.

Dawıtoğlu separatist terror oyışmasına işarät itep bik citdi faktlar buluın ,tögäl näticälärne barlıq tikşerülär tögällängännän soñ citkeräçaklären äytte.

Törkiyä premyer - ministrı Äxmät Dawıtoğlu bügenge köngä qadär höcüm belän bäyle 11 keşeneñ qulğa alınuın belderep:”Qulıbızdağı mäğlümatlarnı urtaqlaşqanda bik iğtibarlı bulırğa tırışabız.Ber cinayät ,terror çeltären açıqlaw östendä eş alıp barıla”,-dide.