Rusiyäneñ “Min köçle, şuña kürä min xaqlı” mantiği

İlbaşı qolliyäsendä İlbaşı Räcäp Tayyip Ärdoğan belän Ukraina Däwlät başlığı Petro Poroşenko üzara söyläşte häm Törkiyä-Ukraina yuğarı däräcäle strategik şura utırışı ütkärelde.

Soñınnan “Anadolu" agentlığı (AA) idarä şurası başlığı häm Ğomum mödire Şänol Kazancı belän Ukrainanıñ Änkara tulı wäqalätle ilçese Sergiy Korsunsky “Anadolu" agentlığı häm Ukraina xäbär agentlığı “UKRINFORM" arasında xezmättäşlek kileşüenä qul quyıldı.

Şul uq waqıtta Milli İminlek şurası ğomum särkätiplege häm Ukraina Milli iminlek häm saqlanu şurası arasında kileşü börketmäse, Törkiyä-Ukraina yuğarı däräcäle strategik şurasınıñ bişençe cıyılışı näticälärenä qağılışlı urtaq belderü dä imzalandı.

Cıyılıştan soñ Törkiyä İlbaşı Ärdoğan häm Ukraina Däwlät başlığı Poroşenko urtaq matbuğat oçraşuın uzdırdı.

İlbaşı Ärdoğan yasağan belderüendä: "Törkiyä Qırımnıñ qanunsız räweştä yalğanuın (annektsiyäsen) tanımadı häm monnan soñ da tanımayaçaqtır", - dip äytte.

İlbaşı Ärdoğan bolay dip äytte:

“Süriyägä kergän çaqta “Süriyä citäkçelege bezne çaqırdı, şuña kürä Süriyädäbez" dip äytüçe Rusiyä Ukrainağa kergän çaqta üzlären kem çaqırdı mikän häm Ukrainağa kerdelär? Monı xalıqara xoquqta qaya urnaştıraçaqlar? “Min köçle, şuña kürä min xaqlı" mantiği bu. Biredä xaqlılıq bula almıy".