Törkiyä ilbaşı Ganada
Ärdoğan könbatış Afrika turınıñ ikençe tuqtalışında
Törkiyä ilbaşı Räcäp Tayyip Ärdoğan könbatış Afrika turınıñ ikençe tuqtalışı bulğan Ganada.
Fil söyäge yarınnan Ganağa kitkän Törkiyä däwlät başlığı başqala Akradağı Xalıqara Kotoka hawa mäydanında däwlät başlığı urınbasarı Kwesi Amissah Artur, tışqı eşlär ministrı Hanna Tteh häm Tirä-yaq moxitnı saqlaw ministrı Mahama Ayariga tarafınnan tantana belän qarşı alınğan.
Qarşılaw tantanasında Törkiyäneñ Akradağı ilçese Näsrin Bäyazit belän törek ilçelege räsmi zatları da qatnaşqan. Ärdoğan qarşılaw tantanasında törek häm Gana bayraqların kütärgän cirle biyü törkemeneñ çığışın qarağan.
Törkiyä ilbaşı Gana däwlät başlığı John Dramani Mahama belän küreşep söyläşäçäk.
Ärdoğan öçen räsmi qarşılaw tantanası da ilbaşı ofisında uzaçaq.
Tantanadan soñ Ärdoğan Gana Parlamentında çığış yasayaçaq, soñınnan Gana-törek eş forumında qatnaşaçaq.
Törkiyä ilbaşı Ganadan Nigeriyağa baraçaq.
Ärdoğannıñ säfärendä yanında xäläl cefete Äminä Ärdoğan häm 4 ministr belän ber rättän 100dän artıq eşmäkär bar.
