Änkara höcümçese töğäyen bilgelängän
Änkarada 29 keşe häläq bulğan terror höcümendäge “canlı bomba”nıñ Abdulbaki Sömär buluı DNK analizı belän töğäyenläşte.
Qarağan sürätlärdän höcümçeneñ ulı buluın äytüçe Musa Sömärneñ möräcäğäte nigezendä DNK ürnäge alındı.
Ätise Musa Sömärdän alınğan DNK ürnäge “canlı bomba”nıñ mäyetennän alınğan DNK ürnäkläre belän turı kilde.
Bu räweşle “canlı bomba”nıñ Abdülbaki Sömär buluı töğäyenläşte.
Abdülbaki Sömärneñ 2005nçe yılda 16 yäşendä bulğan çaqta terror oyışmasına quşıluı, 2005-2014 yıllar aralığında Kandildä buluı belderelde.
17nçe fevraldä Törkiyä başqalası Änkarada Märasim uramında xärbi xezmät avtobusları uzğan çaqta oyıştırılğan bombalı höcümdä 29 keşeneñ ğomere özelgän, 60 keşe yaralanğan ide.
Waqiğa belän bäyle tikşerü qısalarında 14 keşe saq astında totıla.
Bäyläneşle xäbärlär
Ğıyraqtan şähit xäbäre
Ğıyraqnıñ tön’yağındağı “Pänçä-Kilit” operaśiyäse töbägendä ber ğaskäri şähit bulğan
