Törkiyä-Somali eş forumı

Törkiyä-Somali eş forumı İstanbulda uzdı.

Somali premyer-ministrı Ömär Abdurräşit Ali Şarmarki Tışqı iqtisadi mönäsäbätlär şurası tarafınnan oyıştırılğan cıyılışta ileneñ üsüe öçen Törkiyäneñ yärdämenä ixtıyacnıñ buluın belderde.

Törkiyä premyer-ministrı urınbasarı Lütfü Älvan da Törkiyäneñ Somaliğa investitsiyaseneñ 100 million dollarğa citüen äytte.

İminlek, totrıqlılıq häm mullıqnıñ urnaştırıluı öçen Somalineñ ozın yuldan uzaçağın citkergän Lütfi Älvan iqtisad häm säwdä ölkäsendäge eşçänleklär belän çit il investitsiyaläreneñ arttırıluınıñ şart buluın assızıqladı.

İqtisad ministrı Mostafa Älitaş isä Törkiyä belän Somali arasındağı säwdä külämeneñ arttırıluı zarurlığına basım yasadı.

Somali belän säwdä külämeneñ bıyıl 80 million, kiläse yılnı isä 100 million dollarnı maqsat itülären beldergän Älitaş 2003nçe yılda Afrika qitğasına 5,4 milliard dollar eksport başqarılğanda bu kürsätkeçne 20 milliard dollarğa citkerülären belderde.

Törkiyä-Somali eş forumı cıyılışında ike il arasında Säwdä häm iqtisadi xezmättäşlek kileşüe dä imzalandı.

Alsu Miftax tärcemäse