Änkarada terror höcüme
Şähär üzägendä xärbi xezmät avtobusların maqsat itep alğan xain höcümdä 28 keşeneñ ğomere özelde
Törkiyä başqalası Änkarada 17 nçe fevral kiçendä terror höcüme oyıştırıldı.
Xärbi xezmät avtobusların maqsat itep alğan xain höcümdä 28 keşeneñ ğomere özelde.
Höcüm ğomum ştab, diñgez, hava häm cir öste köçläre komandirlığı ,xärbi tulay toraqlar , Törkiyä Böyek Millät Mäclese,ministrlar kabinetınıñ üzäk binası häm eçke eşlär ministrlığ binasına 200 metr yıraqlıqta şähär üzägendä barlıqqa kilde.
Xärbi personal utırğan avtobuslar sfetoforda tuqtap torğanda bomba quyılğan avtomobil belän intixar höcüme yasaldı.
Şartlawdan son waqiğa urınına yörzlärçä aşığıç yärdäm häm yanğın sünderü maşinaları cibärelde.
Şartlaw näticäsendä 2 avtobusnı yalqınnar çolğap aldı.
Höcümdä yaralanğan 61 keşedän 30 ı xastaxanädän çıqtı, 31 yaralınıñ törle xastaxanälärdä däwalanuı däwam itä.
Waqiğa urınında tön buyı tikşerülär däwam itte.
Politsiya tirä yaqtağı iminlek kameralarınnan waqiğada qullanılğan avtomobilneñ nomerın bilgeläde.
Xain höcümnän soñ ilbaşı Räcäp Tayyip Ärdoğan Azärbaycan häm premyer - ministr Äxmät Dawıtoğlu Belgiya säfärlären ğamäldän çığardı.
