Änkara Rusiyäne kisätkän
Tışqı eşlär ministrlığı höcümnärne xärbi cinayät itep taswirladı
Rusiyädäge matbuğat organı “Ria Novosti” beldergänçä Änkara yaña hawadan höcümnär arqasında Mäskäwne kisätte.
Törkiyäneñ Tışqı eşlär ministrlığı Rusiyäne tağın ber tapqır tınıç xalıqqa ut açu belän ğayepläde häm monı xärbi cinayät itep taswirladı.
Tışqı eşlär ministrlığı ayıruça Rusiyä höcümnärne tuqtatmağan oçraqta tağın da citdi näticalär belän oçraşaçağınıñ qotılğısız bulacağın assızıqlağan.
Ministrlık tarafınnan yasalğan açıqlawda: “Xalıqara Süriyäne xuplaw törkemeneñ 11nçe fevral könne Münchenda uzğan cıyılışında Süriyädä bäreleşlärneñ tuqtatıluına qarağan qarar qabul itelgän ide. Läkin älege qararğa qaramastan Rusiyä Süriyädä ğayepsez keşelärgä, mäktäplärgä häm xastaxanälärgä ut açunı däwam itterä. Xalıqara xoquqqa qarşı häm şul uq waqıtta xärbi cinayät bulğan bu höcümnärne qırıs räweştä ğayeplibez. Rusiyä höcümnären şunduq tuqtatmağan oçraqta tağın da zur häm citdi näticälär belän oçraşuı qotılğısız bulır,” – dip äytelde.
Bäyläneşle xäbärlär
Ğıyraqtan şähit xäbäre
Ğıyraqnıñ tön’yağındağı “Pänçä-Kilit” operaśiyäse töbägendä ber ğaskäri şähit bulğan
