AQŞ ilçese ministrlıqqa çaqırıldı

Amerika Quşma Ştatlarınıñ Änkara tulı wäqälätle ilçese John Bass ileneñ “PKK" separatist terror oyışmasınıñ bäyläneşle törkeme “PYD"gä qağılışlı belderüe uñayınnan Törkiyä Tışqı eşlär ministrlığına çaqırıldı.

Kiñäşçe urınbasarı tarafınnan qabul itelgän ilçe Bassqa Amerika Quşma Ştatları däwlät departamentı süzçese John Kirbyneñ könlek matbuğat oçraşuında äytkän ““PYD"ne terror oyışması bularaq kürmibez" süzlärennän toyılğan tınıçsızlıq citkerelde.

Telgä alınğan belderügä qarata Törkiyä Tışqı eşlär ministrı Mäwlüt Çavuşoğlu da räsmi säfär belän kitkän Macarstannan (Vengriyadan) reaktsiya kürsätkän ide.

Çavuşoğlu: "Sez ber terror oyışmasın terror isemlegenä alasız, fäqät anıñ belän bergä bulğan häm başqa ber qorılış eçendä bulğan terror oyışmasın terror oyışması bularaq kürmisez. Bu qabul itelerlek tügel", - dip äytkän ide.