"Rusiyä etnik çistartu başqarırğa tırışa"

Törkiyä premyer-ministrı Äxmät Dawıtoğlu Rusiyäneñ Süriyäneñ Lazkiye şähäreneñ tönyağında etnik çistartu başqarırğa tırışuın äytte.

Dawıtoğlu İstanbulda ber törkem çit il jurnalistına kön tärtibe belän bäyle açıqlaw yasadı.

Süriyäneñ tönyaq könbatışındağı Lazkiyedä artqan Rusiyäneñ hawadan höcümnärenä tuqtalğan Dawıtoğlu operatsiyalärneñ töbäktäge törekmän häm sönni cämğiyätlärne maqsat itep aluına iğtibar cälep itte.

Dawıtoğlu: “Rusiyä Lazkiyeneñ tönyağında etnik çistartu başqarırğa tırışa," – dide.

Törkiyä premyerı oçqıç krizisına oxşaş waqiğalarnı buldırmas öçen: “Rusiyä belän eşçänlek başqarırğa äzer bez," – dide.

Süriyäneñ tönyağında “Ğiraq-Dimäşk" terror oyışmasınnan arındırılğan imin töbäk qorırğa qabat çaqırğan Dawıtoğlu şul räweşle qaçaqlarnıñ barlıqqa kilmäyäçägen citkerde.