Törek hawa yulları yärdäm taşıy

Törek hawa yulları Törkiyä - ğorurlanğan möhim markalardan berse. Törek hawa yullarınıñ sıyfat kriteriyları belän ber rättän tağın bik möhim üzençälege bar. Törek hawa yulları bar dönyada iñ küp urınğa säfär çınğa aşıruçı hawa yulı şirkäte bulıp tora. Bez isä anıñ dinyada iñ küp ilgä turıdan oçuın tügel, ä iñ küp ilgä turıdan humanitar yärdäm iltüen añlatıp uzarbız.

Törkiyäneñ dönyağa suzılğan yärdäm qulı xaqında söylibez. Qızılay, Törki xezmättäşlek häm koordinatsiya agentlığı TİKA, Ciryöze tabibları, Keşe xoquqları häm xörriyätläre humanitar yärdäm waqıfı häm tağın küp kenä humanitar yärdäm oyışmasınıñ bar dönyada diyärlek kürsätkän humanitar yärdämnäre Törkiyäne bu tarmaqta dönya liderı wazğiyätenä kiterde. Läkin Törkiyäneñ dönyağa yärdäm itüçe markaları bu humanitar yärdäm oyışmaları ğına tügel. Törkiyä üzen berböten bularaq dönyada barlıqqa kilüçe qayğı-xäsrätlärne beterügä bağışladı kebek kürenä.

Ürnäk bularaq Törek hawa yulların birä alabız. Ber hawa yulı şirkäte kliyentlarına kürsätkän sıyfatlı xezmät, waqıtında quzğaluçı häm töşüçe oçqıçları, oçqıçlarınıñ yaxşı qaralğan buluı belän bäyälänelä. Läkin Törek hawa yulları sıyfat standartlarına başqa ülçäm dä kiterä, ul da bulsa, humanitar yärdäm. Yägni Törek hawa yulları barı tik keşelärne genä utırtmıy, ä bar dönyağa humanitar yärdäm dä iltä.

Bu bäyrämdä 12 Afrika ilendäge kübese bala-çağa bulğan un meñnärçä ixtıyac iyäseneñ bäyrämgä yaña kiyeme Törek hawa yulları, Törkiyäneñ möhim tekstil şirkäte häm Törek Qızılayınnan bulaçaq. Törek hawa yulları 28 Afrika ilendä 42 urınğa säfär yasawçı berdänber hawa yulı şirkäteder. Bu yağı belän dä Afrikada yärdämğä moctax bulğan illärgä ireşä ala. Törek hawa yullarınıñ bu üzençälege Afrikadağı balalarğa yärdäm itärgä teläwçe Törkiyäneñ möhim tekstil şirkäten eşkä kereşterde. Berençe êlemtä bu ike marka arasında buldı. Soñınnan Törkiyäneñ iñ zur yärdäm oyışması bulğan Qızılaynıñ işegen şaqıdılar. Niyät bik yaxşı ide. Un meñnärçä bala-çağağa bäyrämdä yaña kiyem, Ramazanda 12 ildä iftar aşları. Qızılay bolay da bu illärneñ kübesendä humanitar yärdäm kürsätü eşçänleklären alıp bara ide häm bu yaña täqdimneñ çınğa aşırıluı Qızılay öçen ber dä awır bulmadı. Mäsälän Qızılay Somalida 19 yätimxanädäge meñnärçä bala-çağanı här kön 3 taqpır aşata ide. Törek hawa yulları alıp kiläçäk kiyemnärne taratu Qızılay öçen bik ciñel eş buldı. Oxşaş çara Awrupa illäreneñ berse tarafınnan başqarılda, un meñnärçä dollarlık yaña çığım barlıqqa kiler.

Bu güzäl niyätne çınğa aşıru öçen berençe säfär Senegalğa, soñınnan Madagaskarğa yasaldı. Tanzaniya, Keniya, Nigeriya, Burkina Faso, Uganda, Filteşe yar buyları, Efiopiya, Kamerun, Niger häm Qudüs-Yerusalim… Barlıq illärgä ber-ber artlı säfär yasaldı. Un meñnärçä bala bäyrämdä söyende, bäyräm irtäsendä yaña häm çista kiyem kide. Bu balalar üsep kitär, läkin balaçaqlarındağı bu mizgelne ber dä onıtmas.

“Qızılay” Törek hawa yulları belän törek yärdäm kürsätüçelärenen bu eşçänlegendä barı tik kiyem-salım taratu belän dä çiklänmäde. 12 ildä, här ildä meñ ğailägä yärdäm paketların tarattı. Bäyräm kiyemnäre balalarğa, bäyräm irtäse öçen azıq-tölek äni keşelärgä tapşırıldı. Küñellärdäge Törkiyä söyüen yäşärtüçe fidanğa tağın beraz su sibelde. Künellärdäge Törkiyä fidanı tağın beraz üste Afrika qitğasında.

“Törkiyäneñ Afrikadada ni eşe bar?” dilär küp kenä xalıqara cıyılışta. Bu sorawnın cawabı bik ğadi. Törkiyä Afrikada balalarnıñ yılmawuçı yözen, äni keşelärdän awır bulmağan tormış kürergä teli. Afrikanıñ dönyaküläm iqtisadta 2,5%lıq öleşe bar. Monda ber keşeneñ yıllıq tabışı urtaça 1200 dollar. Yägni afrikalı ber keşeneñ aylıq tabışı urtaça 100 dollar. Yuğisä Afrikanıñ kakaosınnan şokolad, almaz taşınnan bizänü äyberen yasap, yöz millionnarça dollar qazanuçı Awrupalılarnıñ urtaça tabışı monnan unnarça tapqır kübräk. Törkiyäneñ Afrika belän qızıqsınuınnan toyıluçı tınıçsızlıqnıñ säbäbe isä monda yäşeren. Ägär dä zup-zur qitğa uyansa, nilär bulır.