"İzrailne qırıs rӓweştӓ ğayeplibez"

Törkiyӓneñ tışqı êşlӓr ministrı Mӓwlüt Çavuşoğlu başqala Ӓnkarada oyıştırılğan 13nçe İlçelӓr konferenśiyasendӓ çığış yasadı.

Törkiyӓneñ Fӓlӓstin dӓğwasında köçle xuplawınıñ dӓwam itüen beldergӓn Çavuşoğlu: “İzrailneñ Ğazzӓgӓ höcümnӓren hӓm izraille fanatik yӓhüd törkemnӓreneñ Ӓl-Aqsa mӓçetenӓ kerüen qabul itep bulmıy. İzrailne qırıs rӓweştӓ ğayeplibez, kiçӓ tönlӓ iğlan itelgӓn utnı tuqtatunıñ daimi buluın telibez,” – dide.

“Global’ azıq-tölek krizisınıñ çişeleşe öçen Ukraina aşlığınıñ êksportı mӓs’ӓlӓsendӓ İstanbul kileşüe hӓm kileşüneñ ğamӓlgӓ kerüe kebek tӓraqqıyӓt’lӓr diplomatiyabezneñ global’ vitrinası buldı,” – dide ministr.

Çavuşoğlu şulay uq Ӓrmӓnstannı yaña provokaśiyalӓr tudırmaw mӓs’ӓlӓsendӓ kisӓtte.

Törek ministrı Greśiya belӓn mönӓsӓbӓtlӓr, Ğıyraqtağı tӓraqqıyӓt’lӓr, PKK terror oyışmasına qarşı körӓşkӓ dӓ tuqtaldı.

Terror oyışmaları mӓs’ӓlӓsendӓ Amerika Quşma Ştatlarınnan kötelgӓn xuplawnı kürӓ almawların assızıqlağan tışqı êşlӓr ministrı bolay dide: “AQŞnıñ legal’ kötkӓnnӓrebez buyınça êş başqaruı zarurlığın uylıybız.”