Çavuşoğlu İndoneziyada
Törkiyä Tışqı êşlär ministrı Mäwlüt Çavuşoğlu G20 tışqı êşlär ministrları cıyılışında qatnaşu öçen kitkän İndoneziyanıñ Bali utrawında ike yaqlı oçraşular ütkärä
1853700
Mäwlüt Çavuşoğlu ike yaqlı söyläşülär belän bäyle bularaq “Twitter” akkauntınnan yazma belän urtaqlaştı.
Fici prem’yer-ministrı häm tışqı êşlär ministrı Josaia Voreqe Frank Bainimarama belän küreşüen belderüçe Çavuşoğlu klimat üzgäreşläre mäs’äläläre belän Törkiyä häm Ficineñ xalıqara platformalardağı xezmättäşlegen söyläşülären iskärtep uzdı.
BMO Bötendönya azıq-tölek programması başqarma direktorı Beasley belän oçraşuın citkerüçe Çavuşoğlu söyläşü waqıtında Ukrainadan aşlıq êksportı häm Süriyägä çik ar’yağı yärdämnäre mäs’älälären quzğatuların belderde.
Ministr Çavuşoğlu Argentina tışqı êşlär ministrı Santiago Kafiero belän ütkärgän söyläşüe waqıtında da ike yaqlı iq’tisadi êlemtälärgä häm ênergetika xezmättäşlegenä tuqtalıp uzuların äytte.