Törkiyä-Soğud Ğaräbstanı urtaq beldergese
Räsmi säfär qısalarında Törkiyägä kilgän Soğud Ğaräbstanı täxet varisı prinś Möxämmäd bin Sälman belän İlbaşı Räcäp Tayyip Ärdoğannıñ üzara küreşep söyläşüennän soñ urtaq belderge yasaldı
Törkiyä-Soğud Ğaräbstanı urtaq beldergesendä: "Söyläşülärdä säyäsi, iq’tisadi, xärbi, iminlek belän bergä ike yaqlı mönäsäbätlärdä yaña xezmättäşlek çorınıñ başlanuı täwäkkällegenä basım yasaldı”, - dip äytelde.
Taraflarnıñ töbäkneñ kiläçägenä xezmät itü öçen tarixi qardäşlek nigezendä xezmättäşlekne üsterep däwam itterü qatğıylığına basım yasawı bilgeläp uzılğan urtaq beldergedä säwdäneñ ciñeläytelüe, kapital salu forsatlarınıñ êzlänüe, konkret partnyorlıqqa äyländerelüe öçen êlemtäneñ arttırıluınıñ quzğatıluı äytelde.
Urtaq beldergedä ğadälät (yuridik), fän, turizm, sälamätlek saqlaw, grajdan (sivil) aviaśiya, milli iminlek, ênergetika häm klimat üzgäreşläre belän köräş ölkälärendä dä xezmättäşlekkä tuğrılıq iskärtelep uzıldı.
Täxet varisı priñś Möxämmäd bin Salman İlbaşı Räcäp Tayyip Ärdoğannıñ “näzakätle qunaqçıllığı häm säfär waqıtında üzenä häm wäkillegenä kürsätelgän yaqınlıq häm duslıq öçen” räxmäten belderde.
