Törkiyäneñ iñ qıymmätle markası

Törek hawa yulları xalıqara marka bäyäläw oyışması Brend Finans ütkärgän tikşerenüdä ber-ber artlı 5nçe tapqır Törkiyäneñ “İñ qıymmätle markası” buldı.

Brend Finans 2022nçe yılğı “Törkiyäneñ iñ qıymmätle markaları” tikşerenüen tögälläde.

Törek hawa yulları matbuğat xezmätennän belderülärençä, isemlektä berençe urınnı 2018nçe, 2019nçı, 2020nçe häm 202nçe yıllardağı şikelle qabat şirkät aldı. Anıñ marka bäyäse 1 milliard 600 million dollar bularaq bilgelängän.  

Belderüdä böten dön’yada aviaśiya industriyäsen teträtkän Kovid-19 kizüe täêsirenä qaramastan, Törek hawa yullarınıñ kük yözendä dä, markalar arasında da köçle poziśiyäsen kürsätüe, uzğan yıllardağı urının saqlap, ber-ber artlı bişençe tapqır bu isemgä layıq buluınıñ ähämiyätle uñış ikäne äytelä.