Germaniyä tışqı êşlär ministrı Törkiyägä kilä

Germaniyä tışqı êşlär ministrı Annalena Baerbok Törkiyäneñ kire qaqqısız berlektäş buluına basım yasadı. Ul bügen başlanuçı häm 10nçı iyün’gä qadär däwam itep Paqıstan, Greśiyä, Törkiyäne üz êçenä aluçı säfäre aldınnan belderü yasadı.  

“Törkiyägä yasalaçaq ziyärät mine kire qaqqısız berlektäş häm bezneñ belän başqa beräw belän dä bulmağan qadär bäyle däwlätkä iltä,”-dide Baerbok. Ul Germaniyädä millionlağan keşedä “nemeś häm törek yöräge” tibüen äytte.  “Minemçä, bu ikelätä yöräk tibeşe ikelätä köç digän süz,”-dip östäde ministr.  

Annalena Baerbok başta Paqıstanda oçraşular ütkäräçäk. 8nçe iyün’dä anıñ Greśiyägä baruı, 9nçı iyün’dä isä Törkiyägä kilüe kötelä. Biredä isä Baerbok 10nçı iyün’gä qadär êşlekle söyläşülärdä qatnaşaçaq. Anıñ törek wazıyfadaşı Mäwlet Çavuşoğlu, ictimağıy oyışmalar häm iq’tisad tarmağı wäkilläre belän oçraşuı kötelä.