”Kötkännärebez ütälgänçe bez üz qaraşıbıznı üzgärtmäyäçäkbez”

Törkiyä ilbaşı Räcäp Tayyip Ärdoğan Şveśiya häm Finlyandiyäneñ NATOğa äğ’za bulu möräcäğäte belän bäyle ”Kötkännärebez ütälgänçe bez üz qaraşıbıznı üzgärtmäyäçäkbez” dide.

Ul bu xaqta “Ğadälät häm qalqınu” partiyäseneñ Kızılcahamamda uzğan 30 nçı kiñäşmä häm bäyäläw cıyılışın yomğaqlaw cığışında citkerde.

Ärdoğan: “Soñğı däwerdä Törkiyägä NATOnıñ kiñäyüenä qatı bulmasqa täq’dim itüçelärneñ nıqlığı bezneñ qatğıy totışıbıznı aqlıy. Şveśiya häm Finlyandiyäneñ NATOğa kerüe mäs’äläsendä kötkännärebez ütälgänçe üz qaraşıbıznı üzgärtmäyaçäkbez”,- dide.

İlbaşı Könbatışnıñ üz qurqınıçsızlığın saqlaw öçen qorğan sistemanıñ cimerelügä yöz totuın belderep,” Bezneñ Berläşkän Millätlär Oyışmasında reforma ütkärü kiräklege turındağı yıllar däwamında yasağan täq’dimebezneñ urınlı, döres buluın kürälär. Dön’ya 5 ildän zurraq. Xäzer alar da monı äytä başladılar. BMO iminlek şurasın reformalaştırıyq dilär” dide.