Törkiyä-Afrika media sammitı

İstanbulda ike kön baraçaq yuğarı däräcäle oçraşunıñ açış çığışın İlbaşı idaräseneñ êlemtä başlığı Fahrättin Altun yasadı.

Törkiyä häm Afrika media wäkilläre arasında xezmättäşlekne häm koordinaśiyanı köçäytüne, täcribä belän urtaqlaşunı häm urtaqlıq perspektivasınıñ üseşen maqsat itüçe çarada 45 Afrika ilennän 80 matbuğat wäkile belän bergä Afrika diplomatları, däwlät oyışmalarınıñ citäkçeläre, uqıtuçı-ğalimnär, şäxsi tarmaq häm ictimağıy oyışma wäkilläre qatnaşa.

Yuğarı däräcäle oçraşuda jurnalistikanıñ yaña tör koronavirus (Kovid-19) kizüennän soñ oçraşqan awırlıqları häm "sanlı (śifrlı) qamalış" kebek sınawlar belän media tarmağında censi tigezlek temalı utırışlar oyıştırılaçaq. Törek häm Afrika jurnalistları global’ medianıñ Afrika perspektivasın da yaqtırtaçaq programmada xalıqara tärtipkä qağılışlı bäyäläwlär urtaqlaşılaçaq.

Sammit Afrikada investiśiya saluçı törek şirkätläreneñ wäkilläre belän qıytğanıñ humanitar kapitalına öleş kertüçe oyışmalarnıñ häm cämğıyätlärneñ prezentaśiyäsennän soñ maxsus utırışlar belän üz êşen tögälläyäçäk.

Şuşı programmanıñ Afrika mediasında Törkiyä belän bäyle xäbärdarlıqnı arttıruı häm Törkiyäneñ media belän êlemtä ölkäsendä Afrika illäre belän xezmättäşlegen köçäytüe kötelä.