Ärdoğan liderlarnı bäyräm belän qotladı

Törkiyä ilbaşı Räcäp Tayyip Ärdoğan Ramazan bäyräme uñayınnan şaqtıy il liderı belän telefonnan söyläşep, bäyräm belän qotladı.

İlbaşı idaräseneñ êlemtä räislegennän yasalğan açıqlawğa kürä Törkiyä ilbaşı Azärbaycan däwlät başlığı İlham Äliyev, Tön’yaq Kipr Törek Cömhüriyäte ilbaşı Ärsin Tatar, İran liderı İbrahim Reisi, Üzbäkstan däwlät başlığı Şäwkät Mirziyayev, Kuveyt Ämire Şeyx Nevvaf êl-Äxmät êl-Cabir ês-Sabah, Nigeriya ilbaşı Möxämmäd Buxari, Berläşkän Ğaräp Ämirlekläre Abu-Dabi täxet warisı, prinŝ Möxämmäd bin Zayed êl-Naxyan, Livan prem’yer-ministrı Necip Mikati, Paqıstan xökümät räise Şaxbaz Şärif häm Ğıyraq prem’yerı Mostafa êl-Kazımi belän ayırım telefonnan söyläşü ütkärde.

Söyläşülärdä ilbaşları ber-bersen bäyräm belän täbrik itte.

İzrail däwlät başlığı İŝxak Gerŝog ta Törkiyä ilbaşına şaltıratıp, Ramazan bäyräme belän qotladı.