“Zängär watan” künegüläre ütkärelde
Törek diñgez häm hawa köçläre kiñ qırlı künegülär ütkärde
Könçığış Urta diñgezdä borawlaw köymäsendä suğışqa oxşaş wazğıyätneñ diñgez şartlarında närsägä oxşawın häm törek flotınıñ moña nindi reakśiya kürsätüen küzättek.
Törkiyä “Zängär watan” isemle kiñ qolaçlı künegülärne ber ük waqıtta Ägäydä, Urta diñgezdä häm Qara diñgezdä ütkärde.
Törkiyä İlbaşı Räcäp Tayyip Ärdoğan, “Zängär watan” künegüläreneñ soñğı könendä video êlemtä urnaştırıp, Törek flotınıñ töbäktäge krizislarnıñ idarä itelüe barışındağı kritik rolenä basım yasadı.
Törkiyä İlbaşı Räcäp Tayyip Ärdoğan:
“Ukrainadan Liviyağa, Afrikadan Urta Aziyäğä qadär krizis bulğan töbäklärdä humanitar qotqaru häm yärdäm operaśiyälärebez belän böten dönyanıñ täqdiren qazandıq."
Künegülärdä 120dän kübräk xärbi köymä, Törkiyädä yasalğan 14 keşesez qorallı hawa apparatı belän bergä 41 hawa apparatı häm 12 meñ xärbi personal qatnaştı.
Xärbi künegülärne ayıruça AQŞ, Awstraliya, Yaponiya häm Paqıstan belän bergä 15 il küzätep tordı.
Yaña qamilläşterelgän häm Törkiyädä yasalğan keşesez qorallı hawa apparatı “Aksungur” künegülärneñ soñğı êtabında berençe tapqır qullanıldı.
“SAS” dip atalğan törek suastı saqlanu törkemnäre dä künegülärdä wazıyfa aldı.
“SAS” törkemnäre uzğan mart ayında Rusiyäneñ Qara diñgezdä mina qurqınıçına qarşı kisätüennän soñ minanı bilgeläp täêsirsez xälgä kitergän ide.
“Zängär watan” künegüläre Ukrainadağı bäreleşlärneñ NATOnı häm NATOnıñ Rusiyä höcümnärenä qarşı toru mömkinlege qaralğan çaqta ütkärelde.
Törkiyä NATO êçendä AQŞtan soñ ikençe zur armiyağa iyä.
“Zäñgär watan” kebek künegülär töbäktäge bäreleşlär tağın da artqan oçraqta Törkiyäneñ köymälären şunda uq häm teläsä qaysı ber urınğa urnaştırırğa äzer buluın täêmin itü öçen ütkärelä.
Kübra Akkoç, TRT World, Marmaris, Muğla
