Törkiyädä Milli möstäqıyl’lek häm balalar bäyräme qotlana

Törkiyä Böyek Millät Mäcleseneñ 102 yıllığı belän 23nçe aprel’ Milli möstäqıyll’lek häm balalar bäyräme mönäsäbäte belän başqala Änkarada parlamenttağı Atatörek häykäle aldında tantana oyıştırıldı.

Tantanada Törkiyä Böyek Millät Mäclese Başlığı Mostafa Şäntop Atatörek häykälenä qızıl häm aq qanäferlärdän torğan çäçäk bäylämnären salğannan soñ ber minut tın torıldı, gimn yañğıradı.

Şäntop citäkçelegendäge däwlät zatları annan soñ Anıtkäberdä oyıştırılğan tantanada qatnaştı.

23nçe aprel’ Milli möstäqıyl’lek häm balalar bäyräme belän Törkiyä Böyek Millät Mäcleseneñ 102 yıllığı mönäsäbäte belän Änkaranıñ Ulus bistäsendäget Berençe parlament binasında da tantana oyıştırıldı.

Tantanada Törkiyä Böyek Millät Mäclese Başlığı Şäntop, İlbaşı urınbasarı Fuat Oktay, Milli mäğarif ministrı Ziya Sälçuk, Milli saqlanu ministrı Hulusi Akar, Awıl häm urman xucalığı ministrı Vahit Kirişci, Ğomum ştab başlığı, armiya generalı Yaşar Gülär, Ciröste köçläre komandirı, armiya generalı Musa Avsävär, Diñgez köçläre komandirı admiral Adnan Özbal, Hawa köçläre komandirı, armiya generalı Hasan Küçükakyüz häm Törkiyä parlamentında törkeme bulğan säyäsi partiya wäkilläre belän qayber xalıq ışanıçlıları qatnaştı.

Milli mäğarif ministrı Mahmut Özär dä 23nçe aprel’ milli möstäqıyll’lek häm balalar bäyräme mönäsäbäte belän Anıtkäbergä bardı.