Ärdoğan sänğat'çelär belän awız açtı

Törkiyä ilbaşı Räcäp Tayyip Ärdoğan kiçä İstanbulnıñ Dolmabaxçä Saryında sänğat’çelär belän bergä awız açtı. Ul iftar programmasındağı çığışında üseş yulındağı cämğıyät’lärne ber-berennän ayırıp toruçı, üzençälekle yaqların iñ yaxşı räweştä kürsätüçeneñ arxitekturadan muzıkağa qadär kiñ urın alıp toruçı mädäniyät’-sänğat’ buluın äytte.

“Sänğat’çe - cämğıyät’neñ közgese. Cämğıyät’neñ qazanışları, zäwığı, borçuları, xıyalları sänğat’çene formalaştıra häm aña yünäleş birä,”-dip söyläde ilbaşı. Ärdoğan ilhamın bu cirlärdän, bu millättän, bu mädäniyättän alğan sänğat’ äsärläreneñ uñışsız bulmayaçağına ışanuın assızıqladı.

Törkiyä liderı sänğat’çelärgä härwaqıt yärdäm itäçäklären citkerde.

“Böyek häm köçle Törkiyäne tözüdä iñ tormışçan wazıyfalarnıñ berse sänğat’çelärebezneñ cilkäsenä töşä. Mädäniyät häm sänğat’ belän taclanmağan üseş barı taş, beton, timer, pıyala, metaldan ğıybarät. Tik bez qorı üseş kenä tügel, śivilizaśiyäne yañartırğa xıyallanabız,”-dip söyläde Räcäp Tayyip Ärdoğan.

Süz uñayınnan, ilbaşınıñ xatını Äminä Ärdoğan da sänğat’çelär belän iftardan soñ sośial’ media akkauntında yazma urtaqlaştı.

“Sänğat’ dön’yabıznıñ qıymmätle şäxesläre belän iftar programmabızda qatnaşıp xuş äñgämäle kiç ütkärdek. Äsärläre belän küñellärebezgä qağılğan sänğat’çelärebez uñışları belän mädäniyät häm sänğat’ mirasıbızda êz qaldıra. Kertkän öleşläre öçen räxmät belderäm” diyelä anda.