Türkiye: “Gäyıpsez tınıç xalıqnıň nişan itep alınuı hiç qabul itelmäslek”
Türkiye Ukraina başqalası Kiev tiräsendäge Buça häm İrpin töbäklärendä tınıç xalıqnıň üterelüe belän bäyle bularaq matbuğatta çağılış tapqan sürätlärneň “qotıçqıç” häm “keşelek isemennän qızğanıç" buluın belderde
Türkiye Tışqı êşlär ministrlığınnan yasalğan yazmaça belderüdä: "Kiev tiräsendäge Buça häm İrpin belän bergä törle töbäklärdän matbuğatta çağılış tapqan küpläp üterü sürätläre qotıçqıç häm keşelek isemennän qızğanıç”, - dip basım yasalıp, Türkiyeneň Ukraina xalqınıň qayğısın urtaqlaşuı citkerelde.
"Gäyıpsez tınıç xalıqnıň nişan itep alınuı hiç qabul itelmäslek. Bu mäs’älädä bäysez tikşerü ütkärelep, cawaplılarnıň tabıluın häm xisap birüläreneň täêmin itelüen ömet itäbez”, - dip äytelgän belderüdä Türkiyeneň keşelek öçen oyat bulğan mondıy küreneşlärneň beterelüe häm iň tiz arada tınıçlıqnıň urnaştırıluı öçen tırışlığın däwam itäçäge iskärtelep uzıldı.
Buça şähären Rusiyä köçlärennän 1nçe aprel’dä azat itkän Ukraina ğaskäre binaları cimerelgän, uramnarı mäyıtlär belän tulğan şähärgä kergän ide. Kiev tiräsendä azat itelgän toraq bistälärendä tınıç xalıqtan 410 keşeneň mäyıte tabılğan ide.
Rusiyä xärbiläre 24nçe fevral’dä Ukrainağa höcüm başlatqan ide.
