Törkiyӓ ilbaşı idarӓse süzçese AQŞ dӓwlӓt sӓrqӓtibe urınbasarı belӓn oçraştı
Oçraşu İstanbulda uzdı
Törkiyӓ ilbaşı idarӓse süzçese İbrahim Qalın Amerika Quşma Ştatları dӓwlӓt sӓrqӓtibe urınbasarı Vendi Şerman belӓn oçraştı.
İstanbuldağı Dolmabahçӓ ofisında uzğan oçraşuda regional’ problemalar, ayıruça Ukrainadağı suğış hӓm ike yaqlı mönӓsӓbӓtlӓr turında söylӓştelӓr.
Ukrainadağı suğışnıñ yaña gumanitar krizislar tudırğanına basım yasaldı, moña qağılışlı tirӓn borçılu belderelde.
Suğışnı iñ qısqa waqıtta tuqtatu kirӓklege assızıqlandı.
Yaqlar arasındağı söylӓşülӓrneñ nӓticӓle buluı öçen urtaq tırışlıqlarnı arttıru öçen kileşü tӓêmin itelde.
Törkiyӓneñ yaqlar belӓn daimi êlemtӓdӓ toruı hӓm üz ilendӓ söylӓşülӓr ütkӓrergӓ ӓzer buluı belderelde.
Oçraşu waqıtında Süriyӓ, Liviya, Ӓfganstanda tınıçlıq hӓm totrıqlılıq urnaştıru, Törkiyӓ – İzrail mönӓsӓbӓtlӓre hӓm Törkiyӓ - Ӓrmӓnstan mönӓsӓbӓtlӓren cayğa salu barışı söylӓşelde.
Söylӓşüdӓ AQŞ belӓn ike yaqlı mönӓsӓbӓtlӓrneñ xӓzerge torışı hӓm urtaq strategik mexanizmnı tormışqa aşıru öçen yasalaçaq adımnar turında da süz bardı.
