Ärdoğan: “Burıçıbız – tatarlar belän bergä härkemneñ iminlegen täêmin itü”

İlbaşı Ärdoğan başqala Änkarada İlbaşı qolliyätendä Xalıqara demokratlar berlege wäkillegenä möräcäğät itte.

Ärdoğan Rusiyäneñ Ukrainağa xärbi qatışuı belän bäyle bularaq:

"Üz watandaşlarıbız häm tatar qardäşlärebez belän bergä Ukrainada yäşäwçe härkemneñ can iminlegeneñ täêmin itelüe öçen üz burıçıbıznı ütäyäçäkbez. Xärbi operaśiyanı qabul itmibez häm kire qağabız. Bez xalıqara xoquqqa tiskäre dip kürgän bu adım töbäkneñ tınıçlığına, xozurına häm totrıqlılığına qarşı köç qullanu ul”, - dip äytte.

İlbaşı, Törkiyäneñ Ukrainanıñ cir bötenlegen saqlaw öçen alıp barğan köräşen yaqlawın belderep: "Monı min Zelenskiygä dä citkerdem”, - dip äytte.

Ärdoğan: "Rusiyä belän Ukraina arasındağı problemalarnıñ Minsk kileşüläre qısalarında dialog yulı belän xäl itelüe çaqıruıbıznı qabatlıybız”, - dip belderde.