Qalın: “Awrupada rasaçılıq ğadäti küreneşkä äylänä”

İlbaşı idaräse süzçese İbrahim Qalın Awrupada rasaçılıq häm näfrät cinayätläre belän êffektiv räweştä köräş alıp barılmağan oçraqta aldıbızdağı distä yıllar êçendä ictimağıy tınıçlıqqa häm mullıqqa qurqınıç yanawçı iñ zur problemalardan berseneñ rasaçılıq häm ksenofobiya bulaçağın belderde.

İbrahim Qalın Germaniyanıñ Hanau şähärendä 2020nçe yılnıñ 19nçı fevral’ könne yasalğan häm aralarında töreklär dä bulğan 9 keşeneñ ğomere özelgän rasaçı terror höcümeneñ ikençe yıllığında Awrupada artqan rasaçılıqnı matbuğatqa bäyäläde.

Qalın Hanaudağı bu höcümneñ soñğı yıllarda bigräk tä möselmannarnı nişan itep alğan küp sandağı näfrät cinayätennän barı tik berse genä buluına basım yasadı.

Awrupada rasaçı höcümnärneñ artuınıñ bigräk tä rasaçı partiyalarnıñ köçäyüe häm rasaçı çığışlarnıñ mediada häm cämäğätçelektä tağın da kübräk kürenüe belän ber ük waqıtqa turı kilüeneñ oçraqlı bulmawın belderüçe Qalın: “İndividual’ cinayätlär kategoriyasına kertelgän häm çişelmägän däğwa dos’yäläre mondıy ğamällärgä äzerlängän keşelärgä häm törkemnärgä, qızğanıç, qıyulıq bira,” – dip äytte.

İlbaşı idaräse süzçese İbrahim Qalın Awrupada rasaçılıq häm näfrät cinayätläre belän êffektiv räweştä köräş alıp barılmağan oçraqta aldıbızdağı distä yıllar êçendä ictimağıy tınıçlıqqa häm mullıqqa qurqınıç yanawçı iñ zur problemalardan berseneñ rasaçılıq häm ksenofobiya bulaçağın belderde.

2050nçe yılğa qadär Awrupa xalıq sanı 6%qa azayıp, Awrupada yäşäwçe möselman sanınıñ 63%qa artuınıñ kötelüenä basım yasawçı Qalın san yağınnan şuşı artuğa qaramastan awrupalılarnıñ möselmannar östennän buldırğan yanaw faktorınıñ yasalma häm arttırılıp kürsätelüen belderde.