Altun manipulyaśiya belän köräşkä basım yasadı

Fahrettin Altun İlbaşı idaräseneñ êlemtä räislege häm İlbaşı idaräseneñ finans ofisı xezmättäşlegendä İstanbulda oyıştırılğan İq’tisad-finans xäbärçelege uqıtu programmasınıñ açılışında çığış yasadı.

Törkiyäneñ regional’ häm global’ mäs’älälärdäge äydäp baruçı role, êffektivlığı häm kürenüçänlege artqan sayın monnan tınıçsız bulğan törkemnärneñ dä üzlären tağın da kübräk xis itterüen belderüçe Altun: "Törkiyä ayaqqa basqan, üseş adımnarın yasağan, iq’tisadın köçäytkän, millätneñ mullığın häm xozurın arttırğan sayın bu ilneñ üsüenä häm qamilläşüenä tüzä almawçılar yäki mänfäğätläre zarar kürüçelär şunda uq qatışa başlıy. Bu barışta iñ küp manipulyaśiyägä duçar bulğan, yalğanğa duçar itelgän ölkälärneñ başında iq’tisad tora”, - dip äytte.

Törkiyäneñ global’ iq’tisadi tärtipkä qarşı iq’tisadi bäysezlek köräşen qatğıylıq belän uñışlı räweştä alıp baruın iskärtep uzuçı Altun: "Sankśiyälär, kurs manipulyaśiyäläre yäisä finans spekulyaśiyäläre belän iq’tisadıbıznı tarqatu kereşülären härwaqıt uñışsız qıldıq”, - dip belderde.

Törkiyägä qarşı bozıp kürsätelgän häm yalğan mäğ’lümatlär belän yasalğan "güyä" xäbärçelek añlayışınıñ monnan arı tüzemlelek çiklären uzuın citkerüçe Altun qayber çit il matbuğat organnarınıñ taratqan xäbärläre belän nişan itep alğan illärne dizayn yasarğa tırışularınıñ bäxässez çınbarlıq buluına basım yasadı.

Bu dezinformaśiya, manipulyaśiya häm abaylawnı idarä itü qorallarına sośial’ medianıñ da östälüen iskärtep uzuçı Altun: “Nindi genä yul, ısul häm qoral belän yasalmasın, yalğan xäbärlär belän ictimağıy häm iq’tisadi injenerlıq häm dizayn kereşüläre röxsät itelmägän omtılışlar. Bez bolarğa röxsät itmäyäçäkbez”, - dip äytte.