Törkiyädä cir teträde

Urta diñgezdä Kipr utrawı yanında 5,1 ball zurlığında cir teträw buldı.

Törkiyä afät häm ğadättän tış xällär idaräseneñ internet säxifäsendä urın alğan mäğ’lümatlarğa qarağanda, zilzilä tön urtasında diñgez öslegennän 13,20 çaqrım tiränlektä terkälä. Anıñ märkäze Antaliyanıñ Gazipaşa rayonına 136 çaqrım yıraqlıqta.

Sośial’ mediada cir teträwneñ Antaliyädän tış, Muğla, Adana, Märsin häm Xatayda da xis itelüe turında yazmalar bar.

Sälamätlek saqlaw ministrı Fäxretdin Koca Twitterdan beldergänçä, cir teträwdän soñ Antaliyä häm Märsindä aşığıç yärdäm çaqıruçı bulmağan.