Şäntop telefonnan Nigmatullin belän söyläşte

Söyläşü waqıtında Qazaqstan parlamentı räise Nigmatulin yäşängän waqıyğalar arqasında üzeneñ teläklären citkergän Şäntopqa xäzerge barış turında mäğ’lümat birde.

İlbaşı Räcäp Tayyip Ärdoğan belän bergä Törkiyä kürsätkän yaqlaw öçen räxmätlären belderüçe Nigmatulin: “Qıymmätle dustım, min sezgä zur räxmätemne belderäm. Sezneñ şäxesegezdä Törkiyä Böyek Millät Mäclesendäge böten duslarıbızğa da yaqlaw öçen räxmätläremne citkeräm. Çınnan da mondıy awır köndä bezneñ yanıbızda buldığız”, - dip äytte.

Törkiyä parlamentı başlığı Şäntop ta, Qazaqstanda bulğannarnı yaqınnan küzätep baruların belderep: “Qazaqstan bezneñ dustıbız, qardäşebez. Bez anda bulğannarnı üz ilebezdä bulğanı kebek yaqınnan küzätep torabız”, - dip iskärtep uzdı.

Şäntop Qazaqstanda xozur häm iminlek urnaşuınıñ Törkiyä cähätennän bik qıymmätle buluın citkerep, Qazaqstanda totrıqlılıqnıñ töbäk öçen bik möhim buluına basım yasadı.

Şäntop: "Qazaqstan däwläteneñ häm Qazaqstan xalqınıñ şuşı awır kiçeräçägenä, xozur häm totrıqlılıq täêmin itep, tağın da köçäyäçägenä ışanabız”, - dip äytte.