Ğıyraqta häm Süriyädä terrorçılar täêsirsez xälgä kiterelde
Ğıyraqnıñ tön’yağındağı Pänçä Şimşäk töbägendä bilgelängän “PKK” separatist terror oyışması äğ’zase 2 terrorçı täêsirsez xälgä kiterelde
Milli saqlanu ministrlığınnan yasalğan belderüdä: "Bez terrorçılarnı üz urınnarında yuq itärgä däwam itäbez. Ğıyraqnıñ tön’yağındağı Pänçä Şimşäk töbägendä bilgelängän 2 “PKK” terrorçısı “ATAK” boralaqlarıbız tarafınnan täêsirsez xälgä kiterelde”, - dip äytelde.
Şul arada Ğıyraqnıñ tön’yağındağı Garada da “PKK/KCK” separatist terror oyışması äğ’zase 9 terrorçı täêsirsez xälgä kiterelde.
İminlek çığanaqlarınnan alınğan mäğ’lümatkä kürä, Milli küzläw oyışması häm Törek qorallı köçläre Garada urtaq operaśiya oyıştırdı.
Operaśiyädä 9 “PKK/KCK” terrorçısı täêsirsez xälgä kiterelde.
Şul uq waqıtta Milli saqlanu ministrlığınıñ “Twitter” akkauntınnan yasalğan belderüendä Süriyäneñ tön’yağındağı “Färat qalqanı” töbägenä minomyot häm raketalar belän höcüm itkän “PKK/YPG” äğ’zase 8 terrorçınıñ täêsirsez xälgä kiterelüe citkerelgän ide.
Belderüdä terrorçılar qullanğan maşinalarnıñ da yuq itelüe äytelgän ide.
