Sośial’ media yalğan çığanağına äwerelde
Ärdoğan İstanbulda uzuçı Xalıqara strategik kommunikaśiyälär sammitına yullama cibärde
Törkiyä ilbaşı Räcäp Tayyip Ärdoğan İstanbulda uzuçı Xalıqara strategik kommunikaśiyälär sammitı “Stratkom – 21”gä videoyullama cibärde. Ul çığışında texnologik üzgäreşlär tizlänüçe, śifrlaştırunıñ sośial’ häm keşe tormışına tirän yoğıntı yasawçı çorda buluıbıznı assızıqladı.
“Bu prośessta strategik êlemtä êşçänlegeneñ dä ähämiyäte könnän-kön arta. Sośial’ media kanalları kübäyü belän bergä yalğan, uylap çığarılğan xäbär häm mäğ’lümatnıñ zur tizlek belän taraluın küräbez. Êffektiv kontrol’ mexanizmı bulmağan älege kanallardan taraluçı bu tör xäbärlär säbäple millionlağan keşe xäwefkä kümelä. Başta irekneñ simvolı bulğan sośial’ media bügen demokratiyägä yanawçı töp çığanaqlarnıñ bersenä äwerelde,”-dip söyläde Ärdoğan.
Ul śifrlı faşizm häm yalğan xäbär taşqını qarşında Törkiyä şikelle demokratiyäle däwlätlärneñ dä uyaw torırğa mäcbür buluların söyläde. “Bez ul xalqıbıznı, ayıruça cämğıyät’neñ zäğıyf’ qatlamnarın, döres häm riyasız mäğ’lümat alu xoquqın bozmıyça, yalğannan häm uydırmadan saqlarğa tırışabız,”-dide ilbaşı. Ul çınbarlıqnıñ östen yalğan belän qaplawğa berqayçan da yul quymayaçaqların asszıqladı.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı