Çavuşoğlu: “Törkiyä – böten mesxet (axıska) törekläreneñ watanı”
Tışqı êşlär ministrı Mäwlüt Çavuşoğlu Törkiyädä yäşäwçe yaqınça 100 meñ mesxet (axıska) töreklärenä watandaşlıq häm ozaq waqıtlı yäşäw röxsäteneñ birelüen äytte
Bötendönya mesxet (axıska) törekläre berlegeneñ 4nçe çirattağı ğomum şura cıyılışı Antaliyada oyıştırıldı.
Açılışqa onlayn qatnaşqan Tışqı êşlär ministrı Çavuşoğlu qabat räis itep saylanğan Ziyatdin İsmihanoğlu Kassanovnı häm yaña citäkçelekne täbrik itte.
1944nçe yılda 100 meñ mesxet (axıska) törekläreneñ watannarınnan deportaśiyälänep sörgen itelüeneñ 20nçe ğasırnıñ iñ zur qayğı-mixnätlärennän berse buluın iskärtep uzuçı Çavuşoğlu monıñ törek milläteneñ yörägendä yara bulıp toruın añlattı.
"Gruziyadan Ukrainağa, Urta Aziyädän Amerika Quşma Ştatlarına qadär törle töbäklärdä yaqınça 600 meñ mesxet (axıska) törekläre qawemdäşlärebez bar, ämma Törkiyä barısınıñ da watanı häm Törkiyä härwaqıt mesxet (axıska) törekläreneñ yanında”, - dip äytüçe Çavuşoğlu Törkiyäneñ Gruziyadäge kereşüläre näticäsendä bügen 1700 mesxet (axıska) törekläreneñ töp vatannarına qaytuın belderde.
Çit illärdäge töreklär räislege häm TİKA Törki xezmättäşlek häm koordinaśiya agentlığı räislege kebek oyışmalarnıñ Bötendönya mesxet (axıska) törekläre berlege belän bergä Gruziyağa qaytuçılarğa yärdäm kürsätüen añlatuçı Çavuşoğlu: "Törkiyädä yäşäwçe yaqınça 100 meñ keşegä watandaşlıq häm ozaq waqıtlı yäşäw röxsäte birelde. Bigräk tä Ukrainadağı bäreleşlär arqasında Törkiyägä kilep urnaşqan qardäşlärebezneñ yäşäw, êşläw röxsäte, watandaşlıq kebek ömetlären bergäläp xäl itäbez”, - dip äytte.
Qazaqstanda, Qırğızstanda häm Üzbäkstanda yäşäwçe mesxet (axıska) töreklärenä kizü belän köräştä mediśina äyberläre yärdämen citkerülären xäterlätüçe Çavuşoğlu Törkiyä bularaq kiräkle yärdäm kürsätülären däwam itäçäklären belderde.
