Änkara-Doxa arasındağı köçle mönäsäbätlär

Änkara-Doxa arasında nığığan mönäsäbätlär iqtisadi xezmättäşlekkä dä çağıldı.

Farsı qultığı krizisı başlanğan 2017nçe yılnıñ iyunendä Törkiyädän Qatarğa tonnarça azıq-tölek cibärelde. Bu barışta Qatarnıñ Törkiyädän importı 3 tapqırğa arttı.

Qatarda ozın möddätle törek investiŝiyaläre dä kürelä başladı.

Törkiyäneñ yärdäme belän 6 ayda Qatarda sıyır häm tawıq fermaları qorıldı.

Farsı qultığı ile 2018 häm 2019da da Törkiyädäge investiŝiyalären tuqtatmadı.

2020 başlarında bar dön'yada kürelgän Kovid-19 kizüendä dinamikalar saqlandı.

Törkiyä Cömhüriyäte Üzäk bankı häm Qatar Üzäk bankı 2018nçe yılğı aqça alıştıru kileşüen yañadan qarap çıqtı.

İlbaşı Êrdoğannıñ pandemiyadan soñ berençe säfäreneñ Qatarğa çınğa aşuı şunıñ öçen oçraqlı tügel.

2018dä Vaşington belän mönäsäbätlär kiyerenke xälgä kilgännän soñ iqtisadka tiskäre täêsir barışında Qatar Törkiyä yanında buldı.

Törkiyägä 15 milliard dollarlık investiŝiyaneñ kerteläçäge açıqlandı.

Qabat 2018dä törek häm Qatar ênergetika şirkätläre 5 milliard 200 million dollarlık tabiğıy gaz häm nefteximiya investiŝiyase kileşüen imzaladı. Törkiyädä êşçänlek başqaruçı Qatarlı şirkät sanı 180nän artıq.

2020nçe yılğı mäğlümatlarğa kürä Qatardağı törek şirkätläre 150 tiräse proyekt çınğa aşırdı.

Proyekt bäyäläre isä - 18 milliard dollardan artıq.

Tışqı êşlär ministrlığı mäğlümatlarına kürä Törkiyä belän Qatar arasındağı säwdä küläme 2019nçı yıl azağında 1 milliard 400 million dollardan arttı.

Êlektr-êlektron kisäkläre, mebel', tözeleş materialları, neft'-mineral' maylar, söt häm söttän yasalğan produktlar - Törkiyä Qatarğa êksportlağan töp närsälär.

Qatarda oyıştırılaçaq 2022 Dön'ya Kuboğı da zur ähämiyätkä iyä.

Bu barışta Doxa asqorıma bulsın, proyekt investiŝiyaläre bulsın törek şirkätlären dä kertte.

Törkiyägä kergän çit il kapitalınıñ törlänüendä Qatar investiŝiyaläreneñ möhim urını bar.

Qatarnıñ fond berekmäse, Törkiyäneñ dä sänägät' häm texnologiya asqorıması kiläse yıllarda ike il arasında xezmättäşlekneñ däwam itäçägenä işaräli.