Qatar: “Bez Törkiyä iq’tisadına ışanabız”
Qatar Baş ministr urınbasarı häm tışqı êşlär ministrı Möxämmäd bin Abdurrahman Al Sani Törkiyäneñ törlelege belän köçle iq’tisadqa iyä buluın häm törek iq’tisadına ışanuların äytte
Al Sani räsmi säfär qısalarında illärendä bulğan Tışqı êşlär ministrı Mäwlüt Çavuşoğlu belän başqala Dohada oyıştırğan matbuğat oçraşuında ike yaqlı söyläşülär waqıtında Fälästin mäs’äläse, Süriyädäge täräqqıyätlär häm Äfğanstan mäs’äläseneñ quzğatıluın belderde.
Törkiyä belän Qatar arasındağı mönäsäbätlärneñ strategik häm iskitkeç urtaqlıq buluına, bu êlemtälärneñ här ölkädä üseş alırğa däwam itüenä basım yasawç Al Sani İlbaşı Räcäp Tayyip Ärdoğan belän Qatar Ämire Şäyex Tämim bin Hamäd Al Sani qatnaşuında bügen Törkiyä-Qatar yuğarı däräcäle strategik komitetnıñ cidençe cıyılışınıñ uzaçağın xäterlätte.
Qatar Ämire belän İlbaşı Ärdoğannıñ Äfğanstandağı säyäsi häm humanitar wazğiyätne dä söyläşäçäklären citkerüçe Al Sani: "Törkiyä-Qatar yuğarı däräcäle strategik komitetnıñ 7nçe cıyılışında 12 yaña kileşügä qul quyıluı kötelä”, - dip äytte.
Törek iq’tisadı belän bäyle bularaq isä Qatar ministrı Al Sani: "Bez törlelelekkä iyä törek iq’tisadına ışanabız. Törkiyä iq’tisadı nıq nigezlär östenä salınğan. Bu da iq’tisadnıñ êçendä bulğan torışlarnı uza alaçağın täêmin itä. Qatarnıñ Törkiyädä zur investiśiyäläre bar häm şuşı kapital salular näticäle uñışlar birä”, - dip iskärtep uzdı.
Bäyläneşle xäbärlär
"Netan’yaxu Gitlernı könläştererlek däräcägä citte”
Törkiyä ilbaşı bu xaqta Greśiya gazetına birgän interv’yusında citkerde
