Vengriyädä tabılğan tarixi äsärlär Törkiyägä qayttı
Vengriyä xökümäte räise 101 kisäk êksponatnı ilbaşı rezidenśiyäsenä kiterde
Vengriyä xökümäte räise Viktor Orban 2016nçı yılda älege ildä qulğa töşerelgän häm Törkiyäneke buluı açıqlanğan 101 kisäk tarixi äsärne ilbaşı Räcäp Tayyip Ärdoğanğa tapşırdı. Ul başqala Änkarağa räsmi säfär belän kilgän ide.
Viktor Orban tarixi äsärlärne ike däwlät arasında mädäni qıymmätlärneñ kontrabandası belän köräş mäydanındağı xezmättäşlekne in yuğarı däräcädä asızıqlaw öçen Ärdoğanğa täq’dim itte. Alarnı qabul itep alu öçen ilbaşı rezidenśiyäsendä tantana oyıştırıldı. Ärdoğan belän Orban Törkiyägä kire qaytarılğan äsärlärne bergäläp qaradı. Aralarında oxşaşı Änkaranıñ Anadolu mädäniyätläre muzeyına quyulğan ügez başlı qazan, törle qorallar, transport kisäkläre häm at dirbiyäläre bar. Tabıldıqlarnıñ Urartu patşaları yäisä yuğarı sıynıf zatlarınıqı buluı uylanıla. Äsärlär arxeologiyä öçen çiktän tış ähämiyätle.
Tarixi êksponatlarnı Vengriyä iminlek köçläre 2016nçı yılnıñ 29nçı sentyabrendä ber yök maşinasın kontrol’ itkändä kürep ala.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä