“Bezneň maqsat – 2023 nçe yıl axırına utırtılğan üsentelär sanın 7 milliardqa citkerü"
İlbaşı bu xaqta Milli ağaç utırtu köne uňayınnan oyıştırılğan çarada yasağan çığışında citkerde
Törkiyä ilbaşı Räcäp Tayyip Ärdoğan Milli ağaç utırtu köne uňayınnan oyıştırılğan çarada qatnaşıp çığış yasadı.
Ul üz çığışında urman baylığın arttıruda härwaqıt alğı safta buluların belderep, Cömhüriyät tarixındağı iň zur külämle ağaç utırtu kampaniyäse alıp baruların äytte.
Ärdoğan: “Bezneň maqsat – 2023 nçe yıl axırına utırtılğan üsentelär sanın 7 milliardqa , ilebezneň urman mäydanın Törkiyäneň öslek mäydanınıň öçtän berenä citkerü”,- dide.
İlbaşı êroziyädän yuğaltılğan cir külämen 154 million tonnağa qadär kimetkännären, här yıl Kipr utrawı zurlığındağı cirneň yuğalmawın assızıqladı.
Ul urman yanğınnarına qarşı xalıqara xezmättäşlekne cayğa salu kiräklegenä dä basım yasadı.
Törkiyä ilbaşı kiläse yıl axırına qadär 81 vilayät’tä 81 milli urman buldırıp, barlıq watandaşlarnıň bu xezmättän faydalanuların täêmin itäçäklären äytte häm klimat üzgäreşe täêsirlärenä qarşı urman xucalığın üsterüne däwam itäçäklären belderde.
Bäyläneşle xäbärlär
"Netan’yaxu Gitlernı könläştererlek däräcägä citte”
Törkiyä ilbaşı bu xaqta Greśiya gazetına birgän interv’yusında citkerde
