Ärdoğan Törki şura media forumına video yullama cibärde
İlbaşı Räcäp Tayyip Ärdoğan: "Saqlanu sänäğäte häm xärbi ölkädä çit illärgä tulısınça tayanmağan kebek êlemtä mäs’äläsen dä başqalarğa tapşırmıybız”, - dip äytte
"Nigezle ütkän zaman, köçle kiläçäk" teması belän İlbaşı idaräseneñ êlemtä räislege oyıştırğan "Törki şura media forumı" İstanbulda başlandı.
İlbaşı Ärdoğan forumda video yullama belän qatnaşıp bolay dip äytte:
"Sanlı faşizmnıñ cimerüçe yoğıntısınnan ni qadär üseş alğan bulsa da hiçber il häm cämğiyät azat tügel. Törki dönya sanlı faşizm belän bergä xalıqara medianıñ ikelätä standartınnan da integä. Bigräk tä 44 kön däwam itkän Tawlı Qarabax suğışı waqıtında bez şahit bulğan ikeyözle totış mäs’äläseneñ illärebez cähätennän ähämiyäten bilgele itte. Ärmänstan ğaskäreneñ tınıç xalıqnı tämek itep alğan ütereş häm ballistik raketa höcümnäre hiç quzğatılmadı. Media bäysezlege häm ob’yektivlığı turında süz alıp baruçı xalıqara media organnarı Ärmänstannıñ räsmi xärbär agentlığı kebek xäräkät itte”.
"Qarabax suğışı häm törki dönya belän bäyle çınbarlıqlarğa qarşı qullanılğan matbuğat êmbargosınıñ berençese dä, soñğısı da tügel”, - dip äytüçe İlbaşı:
"Güyä genośid raslawları belän bergä tarixıbıznı, milli qurqınıçsızlığıbıznı häm millätebezneñ qıymmätlären nişan itep alğan şaqtıy mäs’älädä oxşaş totışlar belän oçraşabız. Bez yäşägän açı täcribälärebez yaqtılığında şuşı çınbarlıqnı monnan arı barıbız da anıq itep kürä alabız. Saqlanu sänäğäte häm xärbi ölkädä çit illärgä tulısınça tayanmağan kebek êlemtä mäs’äläsen dä başqalarğa tapşırmıybız.”, - dip belderde.
Ärdoğan: "Bez törki dönya bularaq iniśiativanı alırğa, täcribä belän urtaqlaşırğa, berläşergä häm qulıbızdağı mömkinleklärne iñ êffektiv räweştä qullanu yulların êzlärgä tiyeş. Nigezle uzğanlıq, köçle kiläçäk teması belän bez oyıştırğan forumnıñ bezgä bu ölkädä köçle platforma qazandıraçağına ışanabız. Forum forsatınnan çığıp törki dönyadağı teläktäşlekne üsterergä, ike yaqlı ışanıçnı nığıtırğa, dezinformaśiya belän köräş, mäğ’lümat ışanıçlığı, milli mäğ’lümat texnologiyaları adımı häm urtaq mädäniyätne yaqtırtuçı fil’m, serial proyektları kebek mäs’älälärdä xezmättäşlegebezne arttırırğa telibez. Kritik ber çorda häm kompetentlı zatlar qatnaşuında oyıştırılğan forumnıñ bezne şuşı maqsatlarıbızğa tağın ber adımğa yaqınaytuın telim”, - dip äytte.
