Turkovak - Del'ta variantına qarşı

Koronavirusqa qarşı çığarılğan cirle vakśina Turkovaknıñ Del’ta variantına qarşı täêsire tikşerelde. Kayseridağı Ärciyäs universitetı rektorı, professor Mostafa Çalış uqu yortında tabılğan preparatnıñ bu täcribäse dä uñışlı uzuın belderde. “Del’ta variantın izolyaśiyälädek,”-dide ul.

Çalış Turkovaknıñ Angliyädä çıqqan Al’fa variantına qarşı 100% täêsirle buluın monnan aldağı êşçänlektä açıqlawların xäterlätte. Ul xäzer Del’ta variantı belän bäyle tikşerenülärneñ däwam itüen äytte. “Transgenlı tıçqannarda da, üzixtıyarıylardan alınğan biomateriallarda da täcribä bara. Tizdän näticälärne alaçaqbız. Al’fa variantındağı şikelle monda da bik täêsirle buluın kötäbez,”-dide rektor.