Törkiyä İlbaşı: “Bez ireşäçäk üseş sıyfatı bik möhim”

İlbaşı Ärdoğan 27nçe çor 5nçe qanun çığaru yılınıñ başlawı uñayınnan Törkiyä Böyek Millät Mäclese ğomum şurasına möräcäğät itte.

Çığışında yaña töp qanun, terrorçılıq, iq’tisad, tışqı säyäsät, regional’ häm xalıqara mäs’älälärgä tuqtalıp uzuçı Ärdoğan: "İlebezneñ sälamätlek saqlaw asqormasına häm keşe resurslarına bez salğan kapitalnıñ uñışın şuşındıy krizis çorında böten elementları belän aluıbızdan bik şatbız”, - dip äytte.

Ärdoğan: “Bez ireşäçäk üseş sıyfatı, totrıqlılığı, keremnärneñ ğadel büleneşen täêmin itü häm yäş’lärebezgä yaña êş mömkinleklären buldıru bezneñ öçen bik möhim,” – dip belderde.

Global’ problema bulğan klimat üzgäreşlären dä telgä aluçı Däwlät başlığı Ärdoğan: "Parij klimat kileşüen parlamentnıñ täq’direnä tapşıru qararıbız bez başlatqan Yäşel üseş inqilabınıñ berençe yaxşı xäbäre dä”, - dip äytte.

Ärdoğan Süriyä mäs’äläsendä isä xalıqara cämäğätçelekneñ qaçaqlar ağımın idarä itü ölkäsendä ni qadär sälätsez buluınıñ kürenüen belderep:

"Törkiyä üze genä 4 million cäberlängänne qabul itkän bulsa, çiklärenä kilep tayanğan berniçä meñ qaçaq aldında panikağa birelep, keşeleksez xäräkät itüçelär buldı. Bu keşeleksez xäräkät räweşen kürsätüçelär ayıruça qaçaqlar xoquqlarına qağılışlı Berläşkän Millätlär Oyışması qararların da boza. Urta diñgezneñ qarañğı sularında här yıl niçä meñ keşeneñ ömet säyäxätendä ğomerläreneñ özelüe statistikası alıp barıla alınmıy. Xälbüki, barı tik şuşı mäs’älälär üzläre genä dä vöcdanğa, äxlaqqa, keşegä xörmäte bulğan cämğiyätlärneñ torıp basuına citärle bulırğa tiyeş ide”, - dip iskärtep uzdı.