Törkiyä parlamentı başlığı Qazaqstanda

Mostafa Şäntop häm yanındağı parlament wäkillege TÜRKPA Törki telle illär Parlamentariy assambleyasınıñ 10nçı ğomum şura cıyılışı häm ike yaqlı söyläşülär ütkärü öçen kitkän Qazaqstandağı säfäreneñ berençe könendä başqala Nur Soltanda törek êşmäkärläre belän oçraştı.

Şäntop Törkiyä häm Qazaqstan mönäsäbätläreneñ bik yaxşı däräcädä buluın iskärtep uzıp: “Qazaqstannıñ bäysezlegen Törkiyä berençe könne ük tanıdı. Şulay uq diplomatik mönäsäbätlärne berençe bulıp urnaştırdıq. Ul könnän bügengä çaqlı Qazaqstan belän duslıq, qardäşlek êçendä mönäsäbätlärebezne här ölkädä däwam itteräbez”, - dip äytte.

Qazaqstan belän iq’tisad ölkäsendä dä êlemtälärneñ bik köçle nigezlärgä tayanuına basım yasawçı Şäntop: "Kizü çorında säwdä külämendä azayu yuq, artu bar. 2021nçe yılnıñ 7nçe ayındağı kürsätkeçlär monnan aldağı yıllarğa kürä 50% tiräsendä artunıñ buluın kürsätä. Däwlät başlıqlarıbız bilgelägän 10 milliard dollar maqsatına şuşı räweşle xäräkät itsäk tiz barıp ireşerbez. Bu mäs’älädä, älbättä, sezneñ öleşegez dä bik möhim”, - dip belderde.