Ärdoğan Amerikağa yul tota

Törkiyä ilbaşı Räcäp Tayyip Ärdoğan BMOnıñ 76nçı ğomum şura söyläşülärendä qatnaşu öçen bügen Amerika Quşma Ştatlarına kitä. Utırışlar N’yu-Yorktta uzaçaq. Ärdoğan AQŞta 19ınnan 22nçe sentyabr’gä qadär bula.

Törkiyä ilbaşın Amerikada tığız programma kötä. Ul 20nçe sentyabr’ düşämbe könne N’yu-Yorkta tözelgän Yaña Törek yortı binası açılışında qatnaşaçaq.

21nçe sentyabr’ könne isä Ärdoğan “koronavirus kizüen uzdıru, totrıqlılıqnı qabat torğızu, planetanıñ ixtiyacların qanäğat’länderü, keşe xoquqlarına xörmät häm BMOğa qabat can örü öçen nıqlıqnı ömet aşa buldıru” teması belän uzaçaq utırışnıñ berençe könendä çığış yasayaçaq.

Törkiyä ilbaşı, säfäre qısalarında, BMO ğomum särqatibe Antonio Guterriş, monnan tış, bik küp däwlät häm xökümät başlıqları belän küreşep söyläşäçäk.

Ärdoğannıñ Törkiyä-Amerika milli idarä itü komitetı oyıştıruçı “Tağın da ğadel dön’ya bula ala” konferenśiyäse qısalarında AQŞtağı törek, yaqtaş häm möselman cämäğat’çelege wäkilläre belän oçraşuı kötelä.

Törkiyä liderınıñ AQŞtağı matbuğat çaralarına interv’yular birüe häm Amerika êşmäkärläre qatnaşında uzaçaq 11nçe Törkiyä investiśiyä konferenśiyäseneñ tradiśion gala mäclesendä qatnaşuı da küzallana.