"Äfğanstan humanitar yӓrdӓm kötӓ"
Bu xaqta Mӓwlüt Çavuşoğlu BMO cıyılışında belderde
Törkiyӓ tışqı êşlӓr ministrı Mӓwlüt Çavuşoğlu BMO tarafınnan oyıştırılğan “Ӓfğanstandağı humanitar wazğıyӓt’” temalı Yuğarı dӓrӓcӓle ministrlar cıyılışında çığış yasadı.
Cıyılışnıñ kritik waqıtta çınğa aşuın ӓytkӓn Çavuşoğlu Ӓfğanstandağı üzgӓreş barışınıñ barlı tӓêsirlӓren küzӓtep baruların belderde.
“Xӓzergӓ humanitar ölkӓ östenlekle bulırğa tiyeş. Borçu tudıruçı sannarnı barıbız da işettek. Ӓfğan xalqınıñ öçtäntӓn ber öleşenӓ açlıq yanıy, yartısınıñ diyӓrlek aşığıç humanitar yӓrdӓmgӓ ixtıyacı bar. Törkiyӓ 1920nçe yıllardan birle qız balalarnıñ belem aluı, xatın-qızlarnıñ qamillӓşterelüe belӓn ber rӓttӓn Ӓfğanstannıñ totrıqlılıq hӓm qalqınu tırışlıqlarına yӓrdӓm kürsӓtӓ. Bügenge köndӓ dӓ Törek Qızılayı aradaşçılığı belӓn humanitar yӓrdӓmnӓrne dӓwam itterӓbez,” – dide ul.
Törkiyӓneñ Qabuldağı ilçelegeneñ humanitar ölkӓdӓ êşçӓnleklӓren dӓwam itterüen citkergӓn Çavuşoğlu BMO ğomüm sӓrqӓtibeneñ tӓêsirle qatışu çaqıruların xuplawın belderde.
