İlbaşı il xalqın Ciňü bäyräme belän qotladı

Törkiyä ilbaşı Räcäp Tayyip Ärdoğan il xalqın 30 nçı avgust - Ciňü bäyräme belän qotladı.

 Ul üzeneň qotlawında danlı tarixnıň nigez taşlarınnan berse bulğan Böyek Ciňüneň 99 yıllığın bäyräm itülärenä bik şat buluın belderde.

Ärdoğan dön’yanıň törle poçmaqlarında yäşäwçe barlıq töreklärne bäyräm belän qotladı, bu ğorurlıq könendä üzlären yalğız qaldırmawçılarğa şäxese häm milläte isemennän räxmät äytte.

Törkiyä ilbaşı Azatlıq köräşeneň baş komandirı, Cömhüriyätkä nigez saluçı Mostafa Kämal Atatörekne, Törkiyä Böyek Millät Mäclese äğ’zaların häm armiyäneň qaharman ğaskärlären räxmät xisläre belän iskä aldı.

”84 million xalqıbız belän berdäm bulıp, kiler könnärgä yaqtı ömetlär bağlap alğa barabız. Bäyräm möbaräk bulsın” dide ilbaşı üzeneň qotlawında.