“Doşmanğa qurqu salğan, dusqa ışanıç birgän saqlanu sisteması buldıraçaqbız"
Bu xaqta ilbaşı saqlanu ministrlığınıň Ay - Yoldız proyektına nigez salu tantanasında yasağan çığışında citkerde
Törkiyä ilbaşı Räcäp Tayyip Ärdoğan saqlanu ministrlığınıň Ay - Yoldız proyektına nigez salu tantanasında qatnaştı.
Ul üz çığışında älege proyektnıň saqlanu ministrlığın, ğomum ştabnı häm barlıq köç komandirlıqların berläşteräçägen belderde.
Ärdoğan: “Doşmanğa qurqu salğan, dusqa ışanıç birgän struktura buldıraçaqbız. Üzäk häm urtaq saqlanu sisteması bulaçaq”,-dide.
İlbaşı êlek Törkiyäneň saqlanu sänäğätendä çit illärgä bäylelegennän kilep çıqqan qıyınlıqlar kiçerüen dä assızıqladı.
Ärdoğan 40 yılğa yaqın terrorğa qarşı köräş barışınıň berençe çorında şundıy uq problemalar arqasında Törkiyäneň zur yuğaltularğa duçar buluına basım yasadı.
“Xäzer bezneň qorallı häm qoralsız keşesez hawa apparatlarıbız bar. Höcümçe pilotsız dron da bar. Saqlanu sänäğätendä êksportqa kereştek. Böten bombalarğa xätle üzebez citeşteräbez” dide Törkiyä ilbaşı.
Ärdoğan äytüençä, Ay - Yoldız proyektı qısalarındağı kampus 2023 nçe yılnıň 19 nçı mayında açılaçaq.
Bäyläneşle xäbärlär
Fidan - Faysal ibn Färhan söyläşüe uzdı
Törkiyä tışqı êşlär ministrı Soğud Ğaräbstanı tışqı êşlär ministrı belän telefonnan söyläşte
