“Yanaw, xäwef kürsäk, 24 säğat’ êçendä çığarbız"

Törkiyä milli saqlanu ministrı Xulusi Akar törek ğaskärläreneñ Äfğanstanda iminlektä buluın belderde. “Yanaw, xäwef kürsäk, 24 säğat’ êçendä çığarbız,”-dide ul.

Ministr äytüençä, Qabuldağı aêroport oçışlar öçen açıq, soñğı 4 köndä 146 reys tormışqa aşırılğan. Ul moña qadär bernindi höcüm häm tıqşınu bulmawın belderde.

“Atu tawışları yañğırıy dip äytüläre xalıqnı taratu öçen hawağa ut açuları. Ülü oçraqları ığı-zığı waqıtında kilep çıqtı,”-dip söyläde Akar.

Ul törek ğaskärläreneñ Äfğanstanda suğışçan wazıyfası bulmawın tağın ber qat assızıqladı.

Xulusi Akar Qabul aêroportın êşlätü öçen alıp barıluçı söyläşülärneñ däwam itüen belderde. “Aêroport yabılsa – böten Äfğanstan yabılır. Bez bu wazıyfabıznı däwam itik. Monıñ berkemgä dä zararı yuq,”-dip söyläde Törkiyäneñ saqlanu ministrı.