Törkiyä Greśiyägä yanğın sünderü oçqıçı cibäräçäk

Törkiyä Greśiyädäge urman yanğınnarın sünderü öçen 2 oçqıç cibäräçäk. Bu xaqta awıl xucalığı häm urman ministrı Bäkir Pakdämirli belderde.

Ul Marmarista matbuğatqa yasağan belderüendä Törkiyädä 275 urman yanğınınnan 272seneñ kontrol’ astına alınuın, Muğlanıñ Köycäğiz, Milas häm Bodrum rayonnarındağı yanğınnarnıñ isä däwam itüen belderde.

Ministr äytüençä, yanğınnarğa qarşı 15 oçqıç, 62 boralaq, 9 keşesez hawa apparatı, 1 keşesez boralaq, 850 suğaruçı, 430 êş texnikası häm 5 meñ 250 xezmätkär belän köräşkännär.

Pakdämirli Greśiyädäge yanğınnar turında bolay dide: “Andağı yanğınnar citdi däräcädä, toraq punktlarğa yanıy başlağan. Şuña kürä kürşebezgä 2 oçqıç cibärü planlaştırıla”.

Ministr soñınnan sośial’ media aşa yasağan belderüdä 11 kön däwam itüçe Milas yanğınınıñ kontrol’ astına alınuın, suıtu êşçänlekläre baruın citkerde.