TURKOVAK Angliya variantına qarşı täêsirle

Törkiyädä çığarılğan TURKOVAK vakśinasınıñ koronavirusnıñ Angliyä variantına qarşı da täêsirle buluı belderelde. Proyektnıñ liderı professor Aykut Özdarendeli Kayserida ber cıyılışta studentlar häm matbuğat wäkilläreneñ cirle vakśina turındağı sorawlarına cawap birde. Ul TURKOVAKnıñ kliniktan alda êşçänlekläre tögällänüen belderde. Xäzerge waqıtta qullanuğa qadärge soñğı êtap – 3nçe faza täcribäläre ütkärelä.

Özdarendeli TURKOVAKnıñ Angliyä häm Del’ta variantlarına qarşı näticälelege turındağı sorawğa bolay dip cawap birde: “Angliya variantına qarşı ütkärelgän êşçänlektä TURKOVAK vakśinasınıñ 100% êşläwe kürende. Tıçqannarda ütkärelgän tikşerenüdä ul täêsirle buldı. Del’ta variantı belän bäyle täcribälär däwam itä. Anıñ belän bäyle xäzergä tulı mäğ’lümat bulmawı öçen berni äytä almıym”.  

Professor vakśinanıñ bıyıl axırına qadär çığaçağın farazlawın belderde.