Törkiyädä demokratiya näwbäte

Qullarında bayraqlar belän meñnärçä watandaş şähär mäydannarındağı çaralarda qatnaştı.

Tüntäreleş kereşüeneñ biş yıllığında başqala Änkarada 15nçe iyül’ Qızılay milli iradä mäydanında demokratiya näwbäte totıldı. 15nçe iyül’ Qızılay milli iradä mäydanı – “FETÖ”nıñ tüntäreleş omtılışı waqıtında watandaşlarnıñ tüntäreleşçelärgä qarşı torğan mäydannardan berse bulğan ide.

Çaralar qısalarında tüntäreleşçelärneñ tämegendä bulğan, 51 poliśiya xezmätkäre şahit itelgän, Änkaradağı Gölbaşı maxsus xäräkät räislegendä iskä alu programması oyıştırıldı.

Yalova Altınova cirle xakimiyäte tarafınnan 600 metrlıq törek bayrağı belän oyıştırılğan yöreş (parad) kütärenke rux belän uzdırıldı.

Tüntäreleş omtılışı waqıtında berlek häm berdämlekneñ simvolı bulğan sälalar Törkiyä waqıtı belän tönge säğät berençe unöç minutta ildäge böten mäçetlärdä beryulı uqıldı. İstanbuldağı Yawız Soltan Sälim küpere 15nçe iyül’ demokratiya häm milli berdämlek köne mönäsäbäte belän törek bayrağı töse belän yaqtırtıldı.

İstanbul aêroportınıñ hawa xäräkäte kontrol’ manarası da 15nçe iyül’ demokratiya häm milli berdämlek köne mönäsäbäte belän törek bayrağı tösen aldı.

Galata manarası belän Ayasofiya-i Käbir cämiğe Demokratiya häm milli berdämlek könenä bağışlap maxsus sürätlär belän yaqtırtıldı.